အနုမြူဗုံးတစ်လုံး ပေါက်ကွဲရင် ဘယ်လောက်ကြောက်စရာကောင်းသလဲ(ပြေးလို့ကော လွတ်နိုင်မလား ဆိုသူတွေ အတွက် )

အနုမြူဗုံးတစ်လုံး ပေါက်ကွဲရင် ဘယ်လောက်ကြောက်စရာကောင်းသလဲ(ပြေးလို့ကော လွတ်နိုင်မလား ဆိုသူတွေ အတွက် )

ဟိုက်ဒရိုဂျင်အနုမြူဗုံးပေါက်ကွဲရင် အကာအကွယ်မရှိဘူးလားလို့ မေးတဲ့သူရှိတယ် ။ သံအလုံပိတ်ထားတဲ့အထဲမှာကော အကာအကွယ်ယူလို့မရနိုင်ဘူးလားပေါ့။

ဆိုတော့ ရေဆူမှတ်ကို အများသိကြပါတယ်။ ၁၀၀ ဒီဂရီစင်တီဂရိတ်မှာ ရေဆူပြီးအငွေ့ပျံတယ်။ အဲဒီဆူနေတဲ့ရေထဲ ကလေးတစ်ယောက်လက်ထည့်လိုက်ရင် ဘယ်လိုနေမလဲ စဉ်းစားကြည့်ပါ။

ဒါပေမဲ့ ဒီ ၁၀၀ဒီဂရီစင်တီဂရိတ်က သိပ်ကြီးမားလှတဲ့ အပူချိန်မဟုတ်သေးပါဘူး။ ၁၅၀၀ ဒီဂရီစင်တီဂရိတ် အပူချိန်ဆိုရင် သံအရည်ပျော်ပါတယ်။ အဲဒီသံရည်ပူထဲ လူကိုထည့်လိုက်ရင် ဘာဖြစ်သွားမလဲ။

အပူချိန် ၂၅၀၀ ဒီဂရီစင်တီဂရိတ်ဆိုရင် သံကအငွေ့တောင်ပျံပါတော့တယ်။ အဲဒီထဲကို လူထည့်လိုက်ရင် ဘာဖြစ်သွားမလဲ။

ဒီ ၂၅၀၀ ဒီဂရီစင်တီဂရိတ်အပူချိန်ကလည်း ကြီးမားတယ်လို့ မဆိုသာသေးဘူး။ ဟိုက်ဒရိုဂျင် အနုမြူဗုံးတစ်လုံး ဖောက်ခွဲလို့ ထွက်ပေါ်လာတဲ့အပူချိန်က ဒီဂရီသန်း ၁၀၀ လောက်ရှိပါတယ်။

သံအငွေ့ပျံဖို့တောင် ၂၅၀၀ ဒီဂရီစင်တီဂရိတ်ပဲလိုတာ သန်း ၁၀၀နဲ့ နှိုင်းဆာကြည့်ရင် နည်းနည်းလေးပဲပေါ့။ ဒီအခုအပူချိန်က နေမှာရှိတဲ့အပူချိန်နဲ့ သွားတူပါတယ်။

နေက လူနဲ့ ဘယ်လောက်ဝေးသလဲဆိုရင် မိုင်ပေါင်း ၉သန်းလောက်ဝေးပါတယ်။ ဒါတောင် မွန်းတည့်နေရဲ့အပူချိန်ကို လူတွေ ဘယ်လောက်ခံစားရသလဲဆိုတာ သတိပြုမိကြမှာပါ။

အိမ်ထဲမှာသာ အဲဒီအပူဝင်လာရင်ကော ။ ဟိုက်ဒရိုဂျင်အနုမြူဗုံးပေါက်ကွဲရင်တော့ အပူချိန် သန်း ၁၀၀ ဒီဂရီစင်တီဂရိတ်က အိမ်ထဲဝင်လာမှာပါ။ ကံအားလျော်စွာတောင် အသက်ရှင်ဖို့ အကြောင်းမရှိပါဘူး။

အဲဒီအပူချိန်ကလည်း နေရာသေးသေးလေးမှာသာ ပူမှာမဟုတ်ပါဘူး။ ဟိုက်ဒရိုဂျင်အနုမြူဗုံးတစ်လုံးကြောင့် အကျယ်ဝန်းစတုရန်းမိုင်ပေါင်း ၄သောင်းမှာ အပူချိန်ပျံ့နှံ့သွားမှာပါ။ အဲဒီလောက် အကျယ်အဝန်းရှိတဲ့ မီးဖိုကြီးဖန်တီးပြီးသား ဖြစ်သွားပါလိမ့်မယ်။

လူ။ ကျေးငှက်တိရစ္ဆာန်၊ သစ်ပင်စတဲ့ သက်ရှိအားလုံး မီးလောင်ပြာကျပြီးသားပဲ။ အဲဒီလို ဟိုက်ဒရိုဂျင်အနုမြူဗုံးတွေ ဒီကမ္ဘာမှာ ၁၄၀၀၀ကျော် တီထွင်ထားကြပါတယ်။ ဆိုတော့ ဘယ်သူ့ကြောင့် ကမ္ဘာကြီးပျက်စီးသွားမလဲဆိုတာ မတွေးဝံ့စရာပါ။

ရေးသားသူ-သန်းဇော်ဦး

Leave a Reply

Your email address will not be published.